პირველ რიგში ჩემო გზა აბნეული და შემთხვევით გადაყრილო მკითხველ(ებ)ო გილოცავ(თ) ქრისტე შობის ბრწყინვალე დღესასწაულს!
კარგ დღეს დავამთხვიე ბლოგის “შობა”, ადრეც აღვნიშნე მიყვარს ეს დღე (უფრო სწორად ღამე..როცა შობა იწყება) ყოველთვის განსაკუთრებული განწყობა მაქვს და თითქოს სიახლის სუნი ტრიალებს ჰაერში, ყველაფერი უკეთესობის, ახალი იმედების და გეგმების…(ახალ წელზეც შეიძლება ეს ითქვას მაგრამ მე შობას მომდის ყველა ეს გრძნობა და შეგრძნება)
სამი წელი უკვე ხუმრობა აღარ არის, უკვე დიდი ბიწი ვალ ))) ჩემი საყვარელი სამი ძახილის ნიშანიც კი რაღაც სიმბოლურ მნიშვნელობას იძენს ამ თარიღის დროს, განსაკუთრებით მომწონს ახლა სათაურში ….
რა მინდა გითხრათ …. პირველ რიგში მადლობა, ყველა დამთვალიერებელს, ამვლელ ჩამვლელს, შემქებელ თუ გინდ შემაგინებელსაც…(გიყვარდეს მტერი შენიო და…) საბედნიეროდ ასეთები არ მყავს, ან მყავს და არ მაწვდენენ ხმას (ერთი კრაზანას და ვოინიჩს რომ ვაგინე მაშინ მომდგნენ) )) განსაკუთრებული მადლობა ყველა “დამლაიქებელ” “დამაკომენტარებელ” ” დამაშეარებლებს”. ასევე ყველა “გამომყოლს”, ორი მაკლდა 100 ამდე და დიდი მადლობა იმ ბოლო ორ “დამაფოლოვერებელს” ამ იუბილეს ასეთი მრგვალი რიცხვით რომ შემახვედრეს (რა სიტვების კორიანტელი დავაყენე, ო მომიტევე ენავ ქართულო) )
გეგმებზე არაფერს დავწერ. მე ვარ ერთი უნიჭო დღემეხვალიე ტიპი რომლის ყველა გეგმა განიცდის კრახს დაწყებისთანავე. ერთია მინდა დავაყენო საშველი და 100 წიგნს მოვუყარო თავი 26 მაისამდე, ჩემს ოქროს დაბადების დღემდე, ეს ერთი გაცხადებული გეგმა იყოს ამ წელს. დანარჩენს ისე ჩუმად შევასრულებ, ასე უფრო გამომივა, კარგად ვიცნობ ჩემ თავს!
რაც შეეხება სურვილებს (გეგმებს არ დავუძახებ) ამ წელს მინდა რომ ბევრი კლასიკური ნაწარმოები წავიკითხო, ასე ვთქვათ გადავიკითხო ბუმბერაზი კლასიკოსები, თუმცა რა გადაკითხვა ბევრი არც წამიკითხავს… მაგალითად თომას მანი, დოსტოევსკის წაუკითხავი წიგნები, ტოლსტოი რომელსაც არ მივკარებივარ, პასტერნაკი, უმბერტო ეკო, ჰოფმანი მაინტერესებს ძალზედ, ბალზაკი, ძალიან მინდა მარსელ პრუსტი მოვიგდო ხელთ და რაც მთავარია შემონახული სერვანტესი….მოკლედ დიდი სურვილები მაქვს და დიდ წიგნებს მინდა შევეჭიდო, თუმცა ვიცი ჩემი ამბავი ახალ ახალ თარგმანებს გვერდს ვერ ავუვლი, მითუმეტეს ამ ბოლო დროს გაგვანებივრეს სიახლეებით ზოგიერთმა გამომცემლობამ …
მაქვს სურვილები “დაფინანსებული კონკურენტების” ანუ ფილმების მიმართაც, და იმედია ავიხდენ და რა თქმა უნდა შთაბეჭდილებებს ერთგულად გავაზიარებ…
კიდევ რისი თქმა მინდოდა? … რაც შეეხება გასულ წელს, საზიზღარი წელი იყო ყოველმხრივ თუ არა უმეტეს მხრივ, ერთი ორ გამონაკლისს თუ არ გავიხსენებთ ნამდვილი ჯოჯოხეთი ასე რომ 2015 წელო შენი დედაც ! ჯანდაბამდე გზა გქონია! წელო ახალო გეხვეწები მომავალ წელს შენც ნუ მაგინებინებ თავს და ეცადე კარგი რაღაცეებით დამამახსოვრო თავი, აღარ გვინდა სიკვდილები და მისთანანი.
კეთილი სურვილებით, დიდი იმედებით, გაშლილი უნიჭო ცაცია ხელებით ვეგებები ახალ წელს აბა ჰე და აბა ჰო!