მერფის კანონები: პოლიტიკური კანონმდებლობა

ამ დღეებში  განსაკუთრებით აქტუალურია არჩევნები და ზოგადად პოლიტიკა ( ისე კი ფეხბურთი რომ ჯობდეს აქტუალურობით  უკეთესი იქნებოდა)  და მეც არ დავიზარე  და ვაქვეყნებ მერფის კანონებს პოლიტიკასა  და არჩევნების შესახებ. თუ უკვე გაეცანით მერფის სხვა კანონებს და ოდნავ მაინც მიუხვდით და ასე ვთქვათ  “მუღამი დაუჭირეთ” მაშ ეს კანონებიც უნდა მოგეწონოთ.

საარჩევნო წესები

1. ფული ვერ იგებს არჩევნებს არჩევნებს იგებს დიდი ფული;

2. არჩევნების დღეს ხელსაყრელია ცუდი ამინდი, რამდენადაც  სახეზეა განტევების ვაცი;

3. არ არის მნიშვენლოვანი ხმის მიცემის სისტემა, გადამწყვეტია ხმების დათვლის სისტემა;

4. არასოდეს ჰბადებს ეჭვს  მდგომარეობა, როცა მიცემული ხმების რაოდენობა ერთი ორად აღემატება ამომრჩეველთა საერთო რიცხვს. საშიში ხდება მდგომარეობა როცა ეს ორი რიცხვი ზედმიწევნით ემთხვევა ერთმანეთს, რამდენადაც ყოველ მოქლაქეს ჰყავს მოწმე რომ ფეხი არ გაუდგიათ საკუთარი ზღურბლს იქეთ არჩევნების დღეს;

5. ნუ გააყალბებთ არჩევნების შედეგებს მეტად ვიდრე მოითხოვს აუცილებლობა, ზღვარსგადასული  გაყალბება იწვებს სერიოზულ და სამართლიან გაღიზიანებას სხვა გამყალბებლებს შორის;

6. ჩაყარეთ ყუთში ყალბი ბიულეტინები, სანამ არ გაივსება პირთამდე, მაგრამ ნუ მოითხოვთ  დამატებით ყუთს დაე სხვამ მოითხოვოს იგი და ჩააგდოს მასში პირველი ბიუელეტინი. ამის შემდეგ კვლავ გაავსეთ ყუთი და ა.შ

 პოლიტიკური კანონმდებლობა

ძეხვის პრინციპი: მას, ვისაც უყვარს ძეხვი და გააჩნია პატივისცემის გრძნობა კანონისადმი, არ ვურჩევდით იხილოს საკუთარი თვალით , თუ როგორ მზადდება ერთი ან მეორე;

ჟურნალ „იკონომისტის“  კანონი: ისტორია გვასწავლის რომ ამაოდ გვასწავლის;

პასკალის კანონი მხედველობათა თავისებურებათა შესახებ: ყოველთვის არის საკმარის შუქი  მისთვის ვისაც სურს დანახვა და საკმარისი სიბნელე ვისაც არ სურს დანახვა;

ჯუჰენის კანონი:  კომპრომისი ყოველთვის უფრო ძვირადღირებულია ვიდრე ნებისმიერი ალტერნატივა;

პაუელის კანონი: არასოდეს გაამხილოთ რისი გაკეთება აღემატება თქვენს შესაძებლობებს;

ედელშტაინის რჩევა: ნუ იდარდებთ იმაზე თუ  რას იფიქრობს ხალხი თქვენზე, მათ უბრალოდ ადარდებთ  სრულიად სხვა რამ –  თუ რას ფიქრობთ მათზე თქვენ;  ( ჩემი საყვარელი რჩევაა! )