კვანტური რევიზია: ყველა უსიამოვნება იწყება ერთბაშად და ერთდროულად
ილუსტრაცია : (როგორც კი გაკოტრდებით, იქვე მოგშივდებათ, მოგწყურდებათ, შეგცივდებათ, დაჰკარგავთ ძილს, ცხოვრების ხალისს და ცოლს რომელიც გაექცევა წყურვილს, შიმშილს, სიცივეს, უძილობას და სხვა ჭირს, მათ შორის თქვენს დაქვეითებულ გადახდისუნარიანობას)
ენ- ბი -სის დამატება : არასოდეს იგრძნობთ უსიამოვნებების ნაკლებობას
ილუსტრაცია: იხ. ენ-ბი-სის ახალი ამბების ბოლკი,
ფორსაითის მეორე დასკვნა : იმ წამს, როცა გამოკრთება სინათლის სხივი გვირაბის ბოლოში, ჩამოწვება ჭერი.
წარმოებული დასკვნა : ჭერი ჩამოწვება იმ შემთხვევაშიც, თუ არ გამოკრთება არანაირი სხივი .
კარსონის კანონი: სჯობს იყო მდიდარი და ჯანმრთელი, ვიდრე ღარიბი და ავადმყოფი
დასკვნა: როგორც ჩანს სჯობია იყო კარლსონო , ვიდრე კარსონი
მეჩის კანონი: სჯობს საშინლად დაასრულოთ, ვიდრე საშინელებებში გაატაროთ მთელი ცხოვრება.
ილუსტრაცია: იხ. “ნიუ-იორკ ნიქსის” წლევანდელი სეზონის შედეგები
უოთსის კანონი: ცხოვრება არის თამაში ერთადერთი წესით – უნდა მოაჩვენოთ თავი თითქოს წარმოგდენა არ გაქვთ რომ ცხოვრება არის თამაში.
ილუსტრაცია: გაჭერით ვაშლი შუაზე და შემდეგ შეაწებეთ ნახევრები სკოჩით.
გრეემის კანონი: უნიშვნელო საკითხი წყდება სწაფად, მნიშვნელოვანი -არასოდეს.
ილუსტრაცია: გაჭერით ვაშლი შუაზე და შემდეგ შეეცადეთ აღადგინოთ მისი მთლიანობა სრულფასოვნად.
უელირის კანონი: არ არსებობს შეუსრულებელი სამუშაო ადამიანისათვის, რომელიც არ არის ვალდებული თავად შეასრულოს იგი.
ილუსტრაცია: გაჭერით ვაშლი შუაზე და სთხოვეთ მეუღლეს აღადგინოს მისი მთლიანობა სრულფასოვნად.
სთოქმაიერის თეორემა: თუ სამუშაო გამოიყურება მარტივად, მისი შესრულება ძალზედ რთული იქნება, თუ სამუშაო რთულად გამოიყურება მისი შესრულება შეუძლებელი იქნება.
პრუდომის კანონი ფანჯრის მწმენდავებისათვის: ის მეორე მხარეს იმყოფება .
დასკვნა: თუ მოაყენებთ ამწეს და მიადგებით ფანჯარას მეორე მხრიდან, დარწმუნდებით, რომ თავდაპირველი დასკვნა შორს იდგა ობიექტური სინამდვილისაგან.
ქოულის აქსიომა: ჭკუა გონების საერთო ჯამი წარმოედგენს მუდმივ სიდიდეს პლანეტისათვის, არადა მოსახლეობა განუხრელად იზრდება…
დასკვნა: თუ მოგუდავთ მეზობლებს, მეტი ჭკუა გონება გერგებათ წილად საერთო ქვაბიდან.
ოთახის მეზობლის წესი: პირველად ჩაიძინებს ის, ვინც ხვრინავს.
რეზიუმე მშვიდობის გარანტირებული პერიოდის შესახებ:მეზობელი ვერ მოგგუდავთ , სანამ ხვრინავს.
ნაცნობებთან შეხვედრის პრინციპი: ნაცნობებთან შეხვედრის ალბათობა იზრდება ერთიათასად, თუ თან გახლავთ პიროვნება, რომელთან კავშირის გამჟღავნებას გერჩივნათ, ვთქვათ, საკუთარი ქუდის შესანსვლა.
რჩევა: სეირნობისას ატარეთ: ან ძვირფასი ქუდები (ფაქიზი ტყავისა ან ნაჭრის) ან უკიდურესად იაფფასიანი (ქაღალდის, ერთჯერადი)
ჩეითსის საჩივარი: თუ გაუწოდებთ დახმარების ხელი ვინმეს, იგი აუციელებლად გაგიხსნებთ, როცა კვლავ ჩავარდება გასაჭირში
რჩევა: არასოდეს გაუწოდოთ დახმარების ხელი ჩეითსს.
დენისტონის კანონი: კეთილი საქმე არასოდეს რჩება დაუსჯელი (დადებითი აქცია იწვევს საპირისპირო რეაქციას)
დასკვნა: თუ ოდესმე მოიქეცით სწორად ვიღაც აუცილებლად მოგთხოვთ გაიმეოროთ საქციელი
ბოკლეჯის კანონი: ის ვინც იცინის ბოლოს, ყველაზე მძიმედ წვდება არსს.
ილუსტრაცია: რაო?
დალის პრინციპი: ნუ უფრთხით სრულყოფილებას, მაინც ვერასდროს მიაღწევთ მას.
დასკვნა: ადამიანის ერთადერთი ქმნილება რომელიც მეტნაკლებად დგას სრულყოფილებასთან, წარმოადგენს ე.წ.”გამრავლების ტაბულა” და მაინც, არიან ენთუზიასტები, რომლებიც ცდილობენ სრულჰყონ ეს შესანიშნავი ნაწარმოები.
ფორტენის კანონი: ოპტიმისტები იგონებენ თვითფრინავებს, პესიმისტები კი პარაშუტებს.
პირველი დასკვნა:ოპტიმისტები ხტებიან თვითფრინავებიდან უპარაშუტოდ, პესიმისტები კი არ ხტებიან თვითფრინავიდან
მეორე დასკვნა: მხოლოდ ოპტიმისტები აჰყავთ თვითფრინავის პილოტებად, მგზავრები კი განურჩევლად, რა მიდგომაც სულ ცოტა გაკვირვებას იწვევს.
მატიენის პარადოქსი: რაც ნაკლებს ვფიქრობთ, მით ნაკლები გვესმის, რაც მეს ვფიქრობთ, მით მეტი არ გვესმის.
სოკრატეს სინთეზური რეზიუმე: რაც მეტი გვესმის, მით უფრო ვრწმუნდებით რომ უმჯობესია არაფერი გვესმოდეს.
ლაროშფუკოს პარადოქსი: ყველა უჩივის საკუთარ მეხსიერებას და არავინ საკუთარ გონიერებას.
კომენტარი: ლაროშფუკო არაფერს უჩიოდა უმიზეზოდ. მათ შორის, რა თქმა უნდა, საკუთარ მეხსიერებასაც, საიდანაც სულმთლად გაქარწყლდა ყველა საჩივარი საკუთარი გონიერების მიმართ
ჰებელის კანონი: არიან ადამიანები, რომელთაგანაც ძნელია ელოდო, რომ მას შემდეგ რაც ჩაჰყოფენ ფეხს ცალ ფეხსაცმელში, გაიმეორებენ ქმედებას.
ნაიტის კანონი: ადამიანი რომელიც დაუსრულებლად იმეორებს: “ღმერთო ეს რა ბრიყვი ვყოფილვარ!” ჰბადებს გარკვეულ ეჭვს ამ საკითხთან მიმართებაში.
ჩეხოვის” დასავლეთით გადაადგილების” წესი: მოგზაურობა პარიზში ცოლთან ერთად იგივეა, რაც სტუმრობა აფთიაქში საკუთარი სასწორით.
ბელენსის ფარდობითობის პრინციპი: წუთის რეალური ხანგრძლივობა დამოკიდებულია სივრცულ ფაქტორზე, ანუ საპირფარეშოს კარის რომელ მხარეს იმყოფებით წამზომის ჩართვის მომენტში.
სახაზავის პრინციპი: სწორი ხაზი არ არსებობს!
ტრივიალურობის პრინციპი: ეს ხომ ისეთივე მარტივია, როგორც 3.14159265358979323846264338327950288
ბენჩლის ფორმულა: არსებობს მხოლოდ ორი სახეობა ადამიანების: რომლებიც ჰყოფენ ადამიანებს ორ სახეობად და რომლებიც არ ჰყოფენ ადამიანებს ორ სახეობად.
ბარუხის ფორმულა: სიბერის ასაკი= 50 წელს + ჩემს ასაკს
ბერკლის მეცხრე კანონი: მტკიცებათა უმეტსობა მცდარია, მათ შორის ესეც.
ახალი წლის დილის პირველი აღმოჩენა: “ბატარეები არ მოჰყვება”
ჰალის გაფრთხილება: სანამ არ გადასცურავთ მდინარეს ნუ აიგდებთ მასხრად ნიანგს.
დასკვნა: თუ ნიანგი იჩენს გარკვეულ ინტერესს თქვენდამი საბაბი გაქვთ მოეკიდოთ მას მთელი სერიოზულობით, მაგრამ თუ ძაღლადაც არ გაგდებთ ამ შემთხვევაში გმართებთ გაათკეცებული ყურადღება. ასე რომ, არცერთ შემთხვევაში არ ღირს ნიანგის მასხრად აგდება.
ისავის კანონი: ცინიკოსები მართალი არიან ათიდან ცხრა შემთხვევაში
დასკვნა: ის ერთადერთი პუნქტი ათიდან, რაშიც ცინიკოსები ცდებიან, არის მათი ურყევი რწმენა, რომ მართალი არიან ათსავე შემთხვევაში ათიდან.
ნაიტის კანონი: ცხოვრება არის ის რაც გემართებათ და არა ის რისი იმედიც გქონდათ.
დასკვნა: ცხოვრება არის ის რაც გემართებათ თუმცა იმედი გქონდათ რომ არ დაგემართებოდათ.
ლონგის 47 -ე შენიშვნა: ყველაფერი უფასო ღირს იმად, რაც დაგიჯდათ
47-ე გამონაკლისი (ლონგის მიმართ) თქვენი შეხედულება საკუთარი თავზე არ ღირს იმად, რაც დაგიჯდათ.